കണ്ടുപിടുത്തം

പൗലോസിന്റെ ചെറുപ്പത്തില്‍ നടന്ന സംഭവമാണ്.അന്ന് പൗലോസ് ഏഴാം ക്ലാസില്‍ പഠിക്കുന്നു.സാമൂഹ്യപാഠം പഠിപ്പിക്കുന്ന അധ്യാപകന്‍ അന്ന് ക്ലാസില്‍ വന്നത് ഭൂലോകത്തിന്റെ മാപ്പും കൊണ്ടാണ്.മാപ്പ് അദ്ദേഹം ബോര്‍ഡില്‍ തൂക്കിയിട്ടു.ഒരോരാജ്യത്തിന്റെ പേരുപറയുമ്പോള്‍ കുട്ടികള്‍വന്ന് ചൂരല്‍കൊണ്ട് ആ രാജ്യം തൊട്ടുകാണിക്കണം.

അങ്ങനെ പൗലോസിന്റെ ഊഴമെത്തി.

അധ്യാപകന്‍ വിളിച്ചു. പൗലോസ് ഇവിടെ വാ...അമേരിക്ക കാണിച്ചേ..

പൗലോസ് ചൂരലെടുത്ത് അമേരിക്ക കാണിച്ചു.ക്ലാസ് തുടര്‍ന്നു കൊണ്ടിരിക്കെ അധ്യാപകന്‍ എല്ലാക്കുട്ടികളോടുമായി ചോദിച്ചു.

"കുട്ടികളേ പറയൂ.... അമേരിക്ക കണ്ടുപിടിച്ചത് ആരാണ്?”

എല്ലാവരുംകൂടി ഒറ്റ ശബ്ദത്തില്‍ പറഞ്ഞു.

"പൗലോസ്.....